Kerki HalkaraHowa Menzili

Kerki halkara howa menzili Türkmenabat-Kerki awtoulag ýolunyň we şäher demir ýol menziliniň golaýynda ýerleşýär. Kerki howa menziliniň geçirijiligi sagatda 100 ýolagça niýetlenen bolup 2021-nji ýylyň iýun aýynda işe başlady. Täze howa menzili, 2012-2030-njy ýyllar üçin Türkmenistanyň raýat awiasiýasyny ösdürmek boýunça milli maksatnamanyň durmuşa geçirilmeginiň çäginde gurlan dördünji infrastruktura desgasyna öwrüldi, oňa laýyklykda täze terminallar gurulýar we bar bolan profil desgalaryň we gulluklaryň durky täzelenýär. Terminalyň umumy meýdany 2221 m² metre deňdir. Binada ýolagçy hyzmatlary üçin ýük we el goşlary tabşyrylýan ýer, ilkinji gözden geçiriliş ýeri, petek kassalary, maglumat nokady, garbanyşhana, sowgatlyk önümler we gazet-žurnallar satylýan nokatlar, dermanhana, lukmançylyk otagy, gidýän ýolagçylaryň we ugradýan adamlaryň garaşýan ýeri ýerleşdirilipdir. Gidiş zaly kafeteriý, ene we çaga otagy we namaz okalýan otagy bolan 120 orun üçin niýetlenendir. Ýolagçylar üçin goşlary almagyň zaly göz öňünde tutuldy. Şeýle hem CIP toparlary we ýolagçylar üçin hyzmat zolagy bar, ol üpjün etmekde dolulygyna özbaşdakdyr. Terminalyň goýberiş ukyplylygy sagatda 100 ýolagçydyr. Terminalyň binasy iki gatly bolup, onuň içinde beýikligi 31,7 metr bolan dolandyryş diňi ýerleşýär. Howa menzilinde uzynlygy 2700 metr we ini 60 metr bolan uçuş-gonuş zolagy ulanylýar. "D" kody bilen perron iri göwrümli uçarlary kabul edip biler. Dikuçarlar üçin 4 sany duralga bar. Uçuş ýolunyň uzynlygy 202 metr, ini 44 metr. Kerki halkara howa menzilinde gözleg-heläkçilikde halas ediş merkezi döredildi we ol adatdan daşary ýagdaýlarda çalt hereket etmegi üpjün edýär. Ýangyndan goramagyň 7-nji derejesi üpjün edilendir. Howa gämileriniň uçuş-gonuşyna gözegçilik etmek üçin beýikligi 15,24 metr bolan diň ýerleşdirildi. • KAMAZ-12/60-63501 — suw çelegi 11300 l, köpürjik 700 l, ýangyç 220 l, 6 adamlyk topar bilen. • MAN-FLF-80-114-14+250P — suw çelegi 11400 l, köpürjik 1400 l, tozly ot söndüriji 250 kg, ýangyç 300 l, 2 adamlyk topar bilen. • KAMAZ ASA-20 — 6×6 halas ediji awtoulag, 2 bakda 220 l ýangyç, kran, generator we gurallar bilen. Lebap welaýatynyň Kerki şäherindäki täze halkara howa menzili daşary ýurt awiakompaniýalaryna ýokary hilli ýerüsti hyzmatlary hödürleýär hem-de iň amatly bahalary üpjün edýär.